Scrîjadjes / Littérature wallonne

Bernard Louis, in: CW, 2, 2015

Après l’ bataye

Victor Hugo (Namêche / Namètche)

Nosse pa, on-ome tot-ute, qui soriyeut doûcemint

Avou rin qu’ on ousârd, – li ci qu’ il in.meut bin

Pace qu’ il èsteut vouyant èt qu’ ‘l èsteut di wôte taye -,

Ènn’ aleut su si tch’vau à l’ vèspréye d’ one bataye,

Avau l’ tchamp couvièt d’ mwârts, su l’ timps qui 1′ nêt toumeut.

V’là qu ‘i lî a choné qu’ dins 1′ nwârcheû, ça brouyeut.

C’ èsteut on-Èspagnol, onk di l’ ârméye èvôye,

Qui s’ trin.neut tot d’sson.neté, vêla, su 1′ bwârd dè l’ vôye.

Rôkiant, chèté, blatchot, èt mwârt pus qu’ à mitan.

I dd’jeut : Dinez-m’ à bwêre, à bwêre ; ça d’vint strapant !

Nosse pa qu’èsteut mouwé, done à s’ fidéle ousârd

On bidon rimpli d’ rom’ – qui c’ èsteut min.me dè râre ! –

Èt i lî dit : Tènoz ! Fioz bwêre li pôve blèssî.

Tot d’ on côp, dismètant qu’ l’ ome qui s’ aveut bachî

Si clinceut viè l’ blèssî, cit’-ci, one sôte di maure,

Apice on pistolèt qu’ i sèreut come sès caurs,

Èt lignî l’ front d’nosse pa, tot bwêrlant : Caramba !

Li bale a riveté s’ tièsse èt fé toumer s’ tchapia.

Li tch’vau s ‘a distoûrné, lèvant sès pates è l’ aîr.

Nosse pa a dit : Tot l’ min.me, i lî faut d’ner à bwêre.

Bernard Louis (Namètche / Namêche), in: CW, 1, 2013

Andromake

Andromake lèye a tot 1′ bouneûr

Qu’ on pout sondjî po lès vikants :

Si veûy voltî, ni fé qu’ on keûr

Avou s’-t-ome èt avou s’-t-èfant.

Tofêr portant, èle si toûrminte

ca 1′ man.nète guêre n’ è finit nin.

N’ è-st-i nin scrît qu’ i s’ faut atinde

À ç’ qu’ Achile toûwe li chef trwayin ?

Èle tint èchone si bin èt s’ mau.

Li vîye, li mwârt, quî faut-i crwêre ?

Èt 1′ feume d’ Hèctôr court pa t’t-avau

À tos leûs diès, dîre sès pâtêrs.