Li canada (/ crompîre) dins l’ culture walone / La pomme de terre dans la culture wallonne
(li canada / li crompîre en Bèljike romane – la pomme de terre en Belgique romane)
(in: Adolphe Lambillotte, Le vieux temps en Famenne, Lavaux-Ste-Anne et sa région, Eole, 1998, p.9)
plantadje dès canadas / dès crompîres (in: J.-J. Gaziaux, Des gens et des bêtes)
rauyadje dès canadas (arrachage des pommes de terre)
rintréye dès canadas / rintrêye dès crompîres
in: Lë Sauvèrdia, 343, 2017
Quand lès canadas florichenut, i faut co chî samin.nes divant dè sondji à lès p’lu rauyi.
On côp lès ranches bin fènéyes èt qui l’ timps è-st-au clér, on s’ p’leûve mète à l’ ovradje . On lès rauyeûve à l’ fotche à plats dints ou adon avou one rôyeûse satchîye pa li tch’vau.
Po lès ramasser, on lès choyeûve po r’satchi l’ têre èt lès fé tchaîr.Si l’ têre coleûve, i faleûve lès discroter. Lès ranches, zèles, èstine tapéyes dissus l’ costé èt saquants djous après, on lès blameteûve. Quand i fieûve sètch, c’ èstot on vraî plaîji po lès ramasser mins quand il avot plout, i faleûve lès discroter. On lès triyeûve èt lès mète dins dès banses d’ ôrdéye ; on lès vûdeûve didins dès satchs di jute di cinkante kilos. On lès rètchèrieûve à bègnon jusqu’à l’ maujone. On lès diskindeûve didins l’ cauve èt lès staurer, sins lès ètassi, come ça i tapine leû fè.
Quand li mwès d’fevri ariveûve, i lès faleûve disdjèter sins trop lès coboûter po n’ nin lès fé nwèri. Asteûre, bran.mint dès djins lès poûdréyenut avou on prodwit qu’ is vont acheter po n’ pont oyu d’djèts èt n’ nin lès r‘trover tot ratchitchis.