Nicolas Donnay, Payîs d’Hêve, in: Djåsans walon, 27, 1989, p.2

Dji t’veû voltî, vert payîs d’Hêve,

tére di cråsse jèbe èt d’bon lècê.

Dji t’ veû voltî

qwand c’ èst qu ‘tès-åbes è fleûrs

nos racontèt l’ prétimps

ås doûcès-eûres di may.

Dji t’ veû voltî

qwand l’ tchôd solo d’ djulèt’

t’ èwalpêye co d’ in wåde di blames,

å pont qu’ lès p’tits-oûhês zèls-min.mes

s’ arèstèt dè tchanter

po mî pruster astème

à ç’ tinrûle hoûlèdje-là

qui t’ rimplihe tot

èt qui n’ pout-èsse qui l’ vwès

li parfonde vwès dè l’ påye

èt dè l’ påhûlisté.

Dji t’ veû voltî,

bê payîs d’ Hêve…

Oûy, dji n’ a pus-à ‘nnè doter!