ON.AYE

Onhaye

TOPONIMÎYE

Toponymie

Roger Tabareux, Toponimîye di Somêre, in: VA 27/11/1984

 

Lès saurts di comune

 

Mès-èfants, vos n’ avoz nin conu, vos-ôtes, li timps dès saurts di comune. Audjoûrdu, gn-a pupont. Vos n’ auroz qu’ à d’mandé à vos grands-parints do bin v’lu vos-è causè one miyète ; ça è vaut lès pwin.nes. Is vos dîront sûremint qu’ adon, chake mwin.nadje aveut l’ drwèt do-z-awè deûs saurts di comune. Tos lès chîj ans, il alint tiré à l’ bouchète o l’ maujon comunale. Is satchint on biyèt plèyî è deûs foû do p’tit satch di twèle. Dissu l’ biyèt, i gn-aveut deûs numèrôs pace qui bin sovint, on tchèyeut su on bon saurt maîs l’ ôte n’ èsteut nin si bon.

 

Lès djins conechint bin à peû près li place di leûs saurts su l’ comune. C’ èst po ça, vèyoz, qu’ i gn-a ostant d’ noms à ritenu. Vos-avîz d’ abôrd lès saurts à l’ vôye di SINT ROK, èt do BWÈS PLANTÈ. En ruvenant pau WÉ DÈS-AUJES, vos passîz pau BALWÈ, li FOND do l’ VAU èt li P’TIT H AN. I gn-aveut min.me li GRAND BWÈS. Adon, vous ‘nn’ alîz pa li SPÈCHE èt pa l’ VÔYE d’ AYÈTE. À costè d’ ça, vos-avîz bin sûr les bonis d’ têres èt d’ patures dès cinsîs : les MINÊRES, lès LAITèS BASSES, HÈRSIN, SOMEROULE, lès FONDS d’ OTWÈ èt d’ ROSTÈNE, li MAURLÊRE. Di l’ ôte costè, vos passîz pa l’ POUYÛWE VÔYE, lès D’ZOS AÎRS, li FOND d’ FAYA, li PISTOLÈT èt l’ LOVÊRE.

Volà tote sôtes di noms qui vos duvrîz conèche è scole.

Translate »
Share This
error: Alert: Content is protected !!