BÈSOGNE / TRAVAIL

Li bwassèlerîye / La boissellerie

Li bwassèlerîe d’ èmon Marchal, in : Dès djins èt dès mèstîs d’ayîr, in : Singuliers 3/2007, p.31-32

Nassogne, c’ èst 3300 ha di bwès, di qwè d’djà fè dès p’tits chètrons po ratokè l’ feu !

Ènêt, nos causans d’ one bwassèlerîye à n’ nin confonde avou one soyerîye ! O l’ bwassèlerîye, on travaye li bwès, o l’ soyerîye, on n’ fêt qui do l’ discôpè.

Voci, o l’ bwassèlerîye d’ èmon Marchal, on travaye surtout do l’ hèsse di prèmî chwas, sins noks, c’ èst qu’ on-z-î aponte dès cèkes. Dès cèkes di totes lès grandeûs : dès cèkes po lès tambours èt grosses caisses di musike, po lès grands tamis è farène dès molins, lès p’tits ronds tamis à farène èt âs cènes po lès mohons.

Pus-ce qui l’ cèke èst grand, pus-ce qu’ il èst laudje èt spès, li spècheû va di 2 ou 3 mm à 2,5 cm. C’ èst do so mèsère ! Cès cèkes-là paurtint po l’ Angleutêre èt l’ Holande. Quand lès comandes èstint prêtes, on lès minéve  à l’ gâre di Forîre, sôye-t-i avou on p’tit camion, li ci d’ Odon Bernier, ou avou l’ autobus’.

(à sûre / à suivre)