Préparation

1  On mèt tout ça dins in grand satch du twâye, qu’ on mèt dins l’ êwe à boûre dins la casserole à bîre. On fwèt boûre l’ êwe à p’tit feû, dèrant deûs-eûres. Pûs, on r’tire lu satch.

2  Adon, on mèt 1 kilo d’ suke èt ène pîcêye du chicorêye pou d’ner du l’ couleûr à l’ bîre. On mache, pûs on lêche rafrèdi djusk’au londemwin.

3  Adon, on î mèt 25 grames du l’vûre du bouladjî èt deûs pîcêyes du gros sé. On mache come i faut.

4  Pûs, lès djoûrs qui chûvèt, la l’vûre fwêt èfèt èt la chume monte ou-d’zeû du l’ casserole èt dusvale à l’ tère ; adon faut r’mète du l’ êwe pou ‘nn’ awèr toudi plin.

5  Quand ça n’ chume pus, on vûde la bîre dins in tounê qu’ on clôt bin pou qu’ i gn-eûche pont d’ êr qu’ î rinture.

6  On lèche ruspôser dèrant in mwès. Pûs, on put mète dins dès boutîyes clipsêyes. S’ on-aurde lès boutîyes quéke timps, i faut lès mète coutchêyes.

Mots:

boûre:  bouillir; casserole à bîre : grande casserole dont on se servait pour faire la bière, et que les gens se prêtaient; cwède: cueillir; êwe: eau; foûye du frin.ne : feuille de frêne; froumint  : blé, froment; houbion : houblon;macher : mélanger; ôrdje : orge;satch: sac;sé: sel; souwer: sécher;twâye : toile (de lln ou de chanvre)

adon: alors;chume : mousse;chûvèt < chûre: suivent < suivre;dusvaler: tomber; pîcêye: pincée;machî: mélanger;lêche < lêchî: laisse < laisser; toudi: toujours

aurder: garder; chumè: mousser; êr: air; vûdè: vider; tounê: tonneau; eûche < avwar: ait < avoir

Recueilli par Pierre OTJACQUES d’après les témoignages d’ Andrée Bacq, de Marie-Louise Lequeux et de Gabrièle Renauld à la ” Soce du r’causeûs d’ walon “

La frin.nète, in : Singuliers, 2, 2002, p.24

(Bèrtrè / Bertrix  – Bîve / Bièvre)