Maurice Awoust (Malon.ne / Malonne), Li gade d’ ôr

Li gade d’ ôr a sti ètèrêye

Dispû dès cint èt dès cints-ans.

Quî qu’ lèverè on bia djoù l’ boléye

Tot distoûrnant 1′ gârde di Satan ?

Si sièrvu d’ one fortcheuwe côrète

Pace qu’ on-z-a v’nu au monde vwèlé

Donc dès chances di tchaîr su 1′ catchète

S’ on n’ a nin stî èmacralé.

Tot n’ èt nin co gangnî d’ si bèêle :

I faut cachî après, sins brût

Dè 1′ nêt avou l’ bènite tchandèle

Po ièsse sûr d’ ènn’ awè tot 1′ frût.

Li gade d’ ôr rét foû di s’ catchète

Tos l’s-ans au Noyé, à mèye-nêt.

On l’ vèt lûre su totes lès copètes

Èt nu tchèsseù nè l’ a stî qwê.

Quî qu’ n’ a nin sondjî à 1′ gade d’ ôr ?

On riskéye voltî tortos s’ chance.

Ça blonce di-d-ci, di-d-là, 1′ trésôr

Èt tchaîr à costé, pa malchance.