BRÈSSEÛ

Arthur Xhignesse, in: Tavelês d’ oûve, in: BSLW, T50, 1908

Lès  brèsseûs

Li grosse atèlêye ad’hint l’ vôye

Divins l’ poûssîre, divins l’ samerou ;

Lès tonês vont à tièsse, à cou :

Èt 1′ rowe crîne so 1′ cawiê qu’ èle brôye.

Lès côps d’ corîhe timpèsse pètèt !

On dîreût vormint qu’ tot 1′ viyèdje

Deût sèpi quî qu’ mine di l’ arèdje :

« Â !… c’ èst lès brèsseûs qui passèt !… »

Lès brèsseûs ! deûs-omes foû stokèsses

Qu’ ine grosse dobe in.me n’ èlzî peûse nin,

Qui beûrît, qwand is sont-st-à min,

Ine qwâte di keûte, tot lèvant 1′ brès’.

Èt roum-dou-doum ! come on clitchèt

Qu’ èst plin à make, li tchèrète rôle…

On direût vormint qu’ èlle èst sôle,

Là qu’ èle prind 1′ coûrt toûrnant d’ si près !