1 Li prétimps

Lucien Somme, in : Pauzès pîd-sintes, s.d.

Prétimps

In djèton qui s’ vout dispièrter

Pou p’li viker pus râde à s’t-auje.

In r’frin qui s’ assaye à djaurner,

L’ iviêr sokîye, faut qu’on l’ ascauche.

In rin d’ solia qui vout pontyi

Su l’ noû mantia d’auzès pîsintes,

In p’tit mouchon pou l’a feuwi

Ène tchîpîyerîye pou p’li l’ disfinde.

Dès keûrs qui rouvîyenut l’ djalèye

Pou p’li broufyî à gros gôrdjons

Li tiède alin.ne di nos vièsprèyes

Quand no solia nos r’vint d’ au lon.

Chouflons nos quinkèts, nos tchandèles

Vo-r’-ci l’ prétimps su nos pachis !

Prétimps dins no keûr qui gonfèle,

Prétimps dins no keûr qui r’florit…