Jacques Desmet, in : On Sauni à paurt, s.d.

(p.35) Bèl ome, nosse curé, d’ au lon todi, avou one croléye caume, blanke come on bèdot, èt s’ tchapia à barètes, vos-ârîz dit on tchin.ne se pid. Mins quand’ il avot r’ssatchi sès capes, sès-èchèrpes, i n’ dimèréve qu’ on lon fi d’ arca tot sètch, tot èdjalé. À tot momint, i d’ mèréve aoté par one tosse qu’ ârot co faît d’ pus peû au diâle qui dè l’ bènite aîwe. I vos r’ssatchîve (p.36) on mouchwè foû di s^’ potche, t-ossigrand qu’ on drap d’mwin po-z-i ratchi sès peûmons. Il avot stî gâzé dins lès tranchéyes di l’ Isèr à l’ guère di quatôze…