in : Djåzans walon, Osté 2005, p.6

Li vêre èst vî di pus d’ treûs mèyes ans, mins à ç’ moumint-là, on ‘nnè fêt wêre qui dès pièles, dès bracelèts, dès-ahèsses po l’ rilijion. On-avinrè à fé dès botèyes, tot vûdant l’ vêre likide divins dès moules di tére ou d’ såvion damé.

Ci sèrè lès “Siryins” on pô d’vant Jésusu-Cri, qui trouveront l’ mwèyin dè sofler l’ vêre avou ‘ne cane trawêye (tûzez à ‘ne canabûse) come nos l’ fans co asteûre.