Rubrique wallonne avec plus de 1000 numéros dans le Journal Vers l’Avenir

Chîjes èt Paskéyes 1/1997

Bone anéye, bone santé et totes sôtes di boneûrs !

Qu’ èst-ce qu’ on nos pôreut sowaîtî d’ mia po c’mincî l’ anéye ? One miète di chance, parèt !

One miète di chance èt gn-a tot qui candje. Si nosse târtine tchaît à l’ têre, qui ci n’ fuche nin do costé do bûre. S’ i gn-a on microbe qui passe nin lon èri, qu’ i nos rovîye, min.me si ç’ n’ èst qu’ on p’tit rume. Èt s’ i vint jamaîs à nîver, qui ç’ fuche quand n’s-èstans rintré d’ nosse ovradje, en trin d’ bwâre one bone jate di cafeu.

Èt o 1′ place di sacrèmèneter, nos pôrans pus rade dîre qui l’ tâartine aureut p’lu mau tchaîr… et qui 1′ nîve nos-aureut p’lu rèscontrer su 1′ vôye d’ Oûte-s’-i-ploût èt n’s-èspêtchî d’ rintrer.

Li chîj di janvî, nos-alans quétefiye mougnî l’ gatau dès Rwès. Èt si l’ bolèdjî nos freut l’ sorprîje di mète one féve à tos lès quaurtîs ! Po qu’ i gn-eûche po tortos. Poqwè faureut-i qui ç’ seûye todi lès min.mes qu’ aurint bon ?

Bone anéye èt bone santé !

Oyi, c’ èst l’ vraî ! Surtout l’ santé !

À vos parèlièmint !

Tote l’ anéye au long…

(à complèter / à compléter)