dès-insèkes (des insectes)

l' alène (la chenille)

L’ alène

 

F la chenille  NL de rups

 

L’ alène si lome en-anglès « caterpillar » èt c’ èst po ça qui I’ binde qui toûne su lès reuwes d’on tank èt qui rôle come lès-anias d’ one alène si lome insi.

L’ alène provint d’ on papilion qui pond on tchapelèt d’ ous su one plante, qu’ i sét bin qu’ èle noûrirè l’ alène.

Do côp qu’ èle rét foû d’ l’ ou, l’ alène si met dîrèctèmint à naguer lès fouyes, èt èle mougne vraîmint nût-èt djoû.

Èle richone on coût viêr, mins gn-a dès cènes avou dès pwèls. Gn-a dès vètes, dès grîjes, dès djanes. Èles craupenut su lès plantes sins mauy lachî d’ mougnî.

Quand l’ iviêr arive, èles si faîyenut on-èbaladje d’ one èspéce di sôye èt èlle î passenut lès frèdeûs, quand lès mouchons èt lès djârdins nè l’s-ont nin distrût. I gn-a d’ alieûrs dès cènes qui faîyenut dè I’ vraîye sôye, en Chine surtout.

Au bon timps, èles rèchenut d’ leû cwète èt èles divègnenut dès papilions, qui ponenut dès-ous, qui d’vègnenut dès-alènes, qui d’vègnenut dès papilions, qui….

One quèstion : qwè-ce qu’ a v’nu preumî : l’ alène ou I’ papilion ?

 

PS Lès Papous dîyenut qu’ one fricasséye di bounès craussès-alènes, on-z-è rid’mande !